UNICEF trúir því að börn þurfi vernd, öryggi og umhyggju. Við erum staðráðin í að veita hverju barni þá barnæsku sem það á skilið, þ.e. tækifæri til að leika sér, læra og láta sig dreyma. Á hverjum degi snertum við líf bágstaddra barna í yfir 150 löndum.

Við veitum börnum menntun, heilsugæslu og vernd gegn ofbeldi, misnotkun og sjúkdómum. Þegar neyð skellur á af völdum náttúruhamfara eða stríðs erum við ein af þeim fyrstu til að veita hjálp og björgum þannig lífi þúsunda barna.

Með því að gerast heimsforeldri UNICEF tekur þú þátt í þessum mikilvægu verkefnum með okkur og færir börnum um allan heim gleði og von.

Sem heimsforeldri greiðir þú 1000 krónur eða meira á mánuði. Það munar um hvert framlag og þú getur verið viss um að framlag þitt skilar sér til barna sem þurfa á því að halda.

Fyrir 1000 kr. getur þú...

• veitt 35 börnum blýant og námsbók,
• veitt 18 börnum skrifblokk og átta vaxliti í pakka,
• keypt 24 sippubönd,
• fjárfest í kæliboxi til að geyma bóluefni,
• bólusett 72 börn gegn mislingum,
• veitt 235 skammta af saltupplausn,
• fengið eitt moskító-flugnanet sem allt að 4-5 börn geta sofið undir,
• keypt 1000 vatnshreinsitöflur, en hver tafla hreinsar 4-5 lítra af vatni,
• prófað 15 börn (eldri en 18 mánaða) fyrir HIV/alnæmi,
• veitt fjórum börnum ullarteppi á hamfara- og neyðarsvæðum,
• keypt 15 pakka af næringaríku kexi fyrir vannærð börn.